Rydym ni angen eich help i ail-lenwi ein silffoedd

Rydym yn ddiolchgar iawn am haelioni ein cymdogion ym mhob rhan o Arfon. Mae rhoddion gan y gymuned yn ein galluogi i wasanaethu pobl sydd mewn argyfwng.

Yn y flwyddyn aeth heibio, dosbarthwyd dros 43,000 kg o fwyd gennym i dros 4500 o bobl ym mhob rhan o Arfon, a 40% o’r rheini’n blant. Gwaetha’r modd mae’r niferoedd hynny yn parhau i godi. Gyda’r cynnydd anferth ym mhrisiau bwyd ac ynni, mae’r argyfwng costau byw yn taro pawb. Nid yn unig rydym yn gweld mwy o bobl sydd angen parseli bwyd argyfwng, ond rydym hefyd yn gweld llai o roddion yn dod i mewn. Credwn na ddylai neb yn ein cymuned orfod wynebu mynd heb fwyd a gyda’ch cymorth chi gallwn ni wneud yn siwr nad yw hynny ddim yn digwydd.  

Mae angen rhoddion arnom yn fwy nag erioed. Dyma rai ffyrdd y gallwch chi helpu: 

• Ychwanegu eitemau at eich neges siopa, gan gofio am y pethau rydym eu hangen fwyaf 
• Trefnu casgliad bwyd yn eich swyddfa, eich eglwys, eich ysgol neu eich cymuned 
• Trefnu digwyddiad codi arian i’n helpu i brynu eitemau sydd eu hangen ar frys 

Mae angen yr eitemau canlynol arnom ar hyn o bryd:

• Tuniau cyw iâr mewn saws gwyn
• Peli cig tun
• Mins tun
• Pysgod tun
• Llysiau tun
• Grawnfwyd
• Llaeth oes hir
• Siwgr
• Coffi powdr
• Sgwosh

Gallwch adael eich rhoddion yn y banc bwyd bob dydd Mawrth a dydd Gwener rhwng 10am a 2pm, neu yn unrhyw un o’r mannau casglu rhoddion ar y rhestr yma. Os oes gennych chi unrhyw gwestiynau anfonwch ebost at y banc bwyd i’r cyfeiriad  [email protected]

Back to News